fbpx
მენიუ
ინფორმაციული უსაფრთხოების მართვის სისტემა (ISMS) და ISO 27001

დღეს ბიზნესისთვის ინფორმაციული უსაფრთხოება კრიტიკულად მნიშვნელოვანია, განსაკუთრებით ისეთი კომპანიებისთვის, რომლებიც დიდი რაოდენობით მომხმარებლების პირად ინფორმაციას ინახავენ ან კლიენტებისთვის კრიტიკული სერვისის მიმწოდებლებს წარმოადგენენ. თითოეული კომპანია სხვადასხვა ხერხსა და მეთოდს მიმართავს იმისთვის, რომ დაიცვას ღირებული ინფორმაცია, გაუმკლავდეს კიბერსაფრთხეებს და უზრუნველყოს მიწოდებული სერვისის უწყვეტობა. ამ ბლოგში ვისაუბრებთ ინფორმაციული უსაფრთხოების მართვის სისტემაზე (ISMS).   

რა არის ინფორმაციული უსაფრთხოების მართვის სისტემა (ISMS)? 

ინფორმაციული უსაფრთხოების მართვის სისტემა (ISMS) მართვის სისტემის ნაწილია, რომელიც დაფუძნებულია ბიზნესის რისკების მართის მიდგომაზე. მისი მიზანია, შესაძლებელი გახდეს ინფორმაციული უსაფრთხოების დანერგვა, ფუნქციონირება, მონიტორინგი, განხილვა, მხარდაჭერა და გაუმჯობესება. ინფორმაციის უსაფრთხოების მართვის სისტემა აღწერს ორგანიზაციის მიდგომას ინფორმაციული უსაფრთხოებისა და კონფიდენციალურობის მიმართ.

ის ეხმარება კომპანიებს ამოიცნო და გაუმკლავდნენ საფრთხეებს ღირებული ინფორმაციისა და მასთან დაკავშირებული ნებისმიერი აქტივის გარშემო. არტივად რომ ვთქვათ, ინფორმაციული უსაფრთხოების სისტემა (ISMS) განსაზღვრავს თუ  როგორ იდენტიფიცირებ და პასუხობს ბიზნესი ინფორმაციასთან დაკავშირებულ სისუსტეებსა თუ საფრთხეებს.  ეფექტურ ISMS-ს შეუძლია მრავალი სარგებელი მოუტანოს  ბიზნესს. ეს განსაკუთრებით ეხება დღევანდელ საფრთხის შემცველ ლანდშაფტს სადაც ინფორმაციული უსაფრთხოების მართვის ეფექტური სისტემა აბსოლუტური აუცილებლობაა. ISMS-ი საშუალებას მოგცემთ დაიცვათ ბიზნესი უსაფრთხოების დარღვევებისგან და მოიპოვოთ კონკურენტული უპირატესობა, აითვისოთ ახალი სექტორი და კომპანიები, გააძლიეროთ ურთიერთობა უკვე არსებულ მომხმარებლებთან, შექმნათ ორგანიზაციის ბრენდი და რეპუტაცია. 

კომპანიაში ინფორმაციული უსაფრთხოების მაღალი დონის დასადასტურებლად ISMS-ით კომპანიები ხშირად ISO 27001 სტანდარტის დანერგვას მიმართავენ. განვიხილოთ ის მნიშვნელოვანი სარგებლები, რომლებიც ISO 27001 –ის დანერგვით მიიღწევა: 

  • მარეგულირებელ მოთხოვნებთან შესაბამისობა – მუდმივად იზრდება კანონების, რეგულაციებისა და ხელშეკრულების მოთხოვნები, რომლებიც დაკავშირებულია ინფორმაციულ უსაფრთხოებასთან. კარგი ამბავი ის არის, რომ მათ უმეტესობასთან შესაბიმოსაბა შეიძლება გადაწყდეს ISO 27001 -ის დანერგვით – ეს სტანდარტი გაძლევთ ინფორმაციული უსაფრთხოების დაცვის სრულყოფილ მეთოდოლოგიას.  
  • კონკურენტული უპირატესობა – თუ თქვენი კომპანია მიიღებს სერტიფიცირებას და თქვენი კონკურენტები არა, თქვენ უპირატესობა გაქვთ მომხმარებლების თვალში, რომლებიც მგრძნობიარენი არიან თავიანთი ინფორმაციის უსაფრთხოების მიმართ. 
  • დაბალი დანახარჯები – ISO 27001-ის მთავარი ფილოსოფია არის უსაფრთხოების ინციდენტების თავიდან აცილება – ყოველი ინციდენტ, დიდსა თუ პატარას, აქვს თავისი ღირებულება. ამიტომ, მათი თავიდან აცილებით, თქვენი კომპანია  ზოგავს შესაძლო ზარალს. რაც ყველაზე კარგია – ISO 27001 -ში ინვესტიცია გაცილებით მცირეა, ვიდრე პოტენციური ზარალი, რომელიც დაცვის სისტემების არქონის პირობებში შეიძლება მოგადგეთ 
  • ეფექტიანი ორგანიზაცია – როგორც წესი, სწრაფად მზარდ კომპანიებს არ აქვთ დრო, შეაჩერონ და გაწერონ თავიანთი პროცესები და პროცედურები – შედეგად, ძალიან ხშირად თანამშრომლებმა არ იციან რა, როდის და ვის მიერ უნდა გაკეთდეს. ISO 27001 -ის დანერგვა ხელს უწყობს მსგავსი სიტუაციების მოგვარებას, რადგან მოითხოვს, კომპანიებმა ჩამოაყალიბონ ძირითადი პროცესები და პოლიტიკები (თუნდაც ისინიც, რომლებიც არ არის დაკავშირებული უსაფრთხოებასთან), რაც საშუალებას მოგცემთ შეამციროთ თქვენი თანამშრომლების დაკარგული დრო და გაზარდოთ პროცესების ეფექტიანობა. 

რას გთავაზობთ BDO Digital-

ნებისმიერ ბიზნესში არის რისკები, რომელიც უკავშირდება ციფრულ ტექნოლოგიებს. თუ კომპანიებს სურთ შეინარჩუნონ მომხმარებელთა სანდოობა და რეპუტაცია, საჭიროა თავდაცვისუნარიანობის მექანიზმების გაუმჯობესება.

BDO Digital-ის კიბერ და ინფორმაციული უსაფრთხოების გუნდის გამორჩეული მომსახურების ერთ-ერთი მნიშვნელოვანი შემადგენელი ნაწილი სწორედ ინფორმაციის უსაფრთხოების უზრუნველყოფაა, უსაფრთხოების საერთაშორისო სტანდარტების მიხედვით. ჩვენი პარტნიორები კი დარწმუნებულები არიან, რომ მათი კომპანიის მონაცემები დაცულია მსოფლიოს საუკეთესო პრაქტიკის შესაბამისად.

გსურს შექმნა დაცული კიბერ გარემო შენი ბიზნესისთვის?
დაგვიტოვეთ საკონტაქტო ინფორმაცია და ჩვენი გუნდი აუცილებლად დაგიკავშირდებათ
დაგვიტოვე საკონტაქტო
ნახე მსგავსი სტატიები
ინფოგრაფიკი – ახალი კანონი პერსონალურ მონაცემთა დაცვის შესახებ

ინფოგრაფიკი – ახალი კანონი პერსონალურ მონაცემთა დაცვის შესახებ

პერსონალურ მონაცემთა დაცვის შესახებ ახალი კანონის ამოქმედებამდე სულ უფრო ცოტა დრო რჩება. შეგახსენებთ, რომ 2024 წლის 1 მარტიდან ძალაში შედის განახლებული კანონი პერსონალური მონაცემების შესახებ. კანონი ვრცელდება ყველა ბიზნეს სუბიექტზე, რომელიც ჩართულია დიდი მოცულობის პირადი ინფორმაციის მოპოვებაში, შენახვასა და დამუშავებაში. დამატებით ვალდებულებებს შორის მნიშვნელოვან სიახლეს...
21 თებერვალი
BDO Digital-ის 2023 წლის შეჯამება და 2024 წლის ტექნოლოგიური პროგნოზი

BDO Digital-ის 2023 წლის შეჯამება და 2024 წლის ტექნოლოგიური პროგნოზი

2023 წლის დასასრულს, მოხარულები ვართ, გაგიზიაროთ ჩვენი მოგზაურობა და მიღწევები. BDO Digital-ში, ეს იყო ინოვაციური პროექტებისა და ახალი შესაძლებლობების წელი. ჩვენ მუდმივად ვზრუნავთ, შევქმნათ ბიზნესისთვის  დამატებითი ღირებულება, ინოვაციური ტექნოლოგიებით, სერვისებით, ბაზარზე მრავალწლიანი გამოცდილებითა და განვითარებაზე ორიენტირებული გუნდით. გაეცანით BDO Digital-ის ინდუსტრიულ გადაწყვეტებსა და ტექნოლოგიებს ციფრული...
26 დეკემბერი
BDO USA: 2024 წლის პროგნოზები ტექ ინდუსტრიისთვის

BDO USA: 2024 წლის პროგნოზები ტექ ინდუსტრიისთვის

გასული წელი ტექ ინდუსტრიისთვის გამოწვევებით სავსე იყო - ეკონომიკური არასტაბილურობა, მაღალი ინფლაცია, მაღალი საპროცენტო განაკვეთები - ამ ყველაფერმა ინდუსტრიას მიდგომების გადახედვა აიძულა. გამოწვევების მიუხედავად, გასაოცარი წინსვლაც ვნახეთ, განსაკუთრებით გენერაციული ხელოვნური ინტელექტის (AI) მიმართულებით, რომელმაც ახალo ტექნოლოგიური ეპოქა შექმნა. ცხადია, ახალი ტექნოლოგიების განვითარებასთან ერთად, ბიზნესისთვის ახალი...
25 დეკემბერი
ოქტომბერი – კიბერუსაფრთხოების ცნობიერების ამაღლების თვე

ოქტომბერი – კიბერუსაფრთხოების ცნობიერების ამაღლების თვე

ციფრული ინოვაციების მუდმივად განვითარებად ლანდშაფტში, ფსონები არასოდეს ყოფილა იმაზე მაღალი, ვიდრე ახლა, როდესაც საქმე სენსიტიური ინფორმაციის დაცვას ეხება. ოქტომბერს უფრო მეტი მოაქვს, ვიდრე უბრალოდ შემოდგომის განწყობა; ეს ასევე არის თვე, რომელიც ეძღვნება კიბერუსაფრთხოების ცნობიერების ამაღლებას. კეთილი იყოს თქვენი მობრძანება კიბერუსაფრთხოების ინფორმირებულობის თვეში. რატომ ოქტომბერი? ახლა,...
9 ოქტომბერი