ჰიპერმარკეტებისა და სუპერმარკეტების ერთ-ერთი უმსხვილესი ქსელი „კარფური“, BDO Digital-ის პარტნიორობით პროცესების რობოტიზაციას (RPA) იწყებს. კომპანია ინვოისინგის პროცესში BDO Digital-ის გუნდის დახმარებით RPA ტექნოლოგიას დანერგავს.
RPA არის თანამედროვე ტექნოლოგია, რომლის მიზანია ადამიანების ნაცვლად რუტინული საქმე პროგრამამ აკეთოს.
პროექტის ფარგლებში კომპანიაში მოხდება ინვოისინგთან დაკავშირებულ რუტინულ პროცესებში RPA-ს ჩართვა. შედეგად კომპანია შეძლებს, დაზოგოს ადამიანური რესურსი, აირიდოს თავიდან შეცდომები და პროცესი უფრო სწრაფი და ეფექტიანი გახადოს.
ინვოისინგის პროცესის ავტომატიზაციის შემდეგ კარფურს შესაძლებლობა ექნება BDO Digital-ის დახმარებით კომპანიის სხვა პროცესების დიაგნოსტიკაც ჩაატაროს, რაც ავტომატიზაციის სარგებლის შეფასებასა და რობოტიზაციის პოტენციალის გამოვლენაში დაეხმარება.
RPA ტექნოლოგიის მიმართულებით BDO Digital-ი მსოფლიოში წამყვანი კომპანიების UiPath-ისა და Microsoft-ის ოფიციალური პარტნიორია.
BDO Digital-ი ქართულ ბაზარს სთავაზობს ციფრული ტრანსფორმაციის სრულ საკონსულტაციო და ტექნოლოგიურ გადაწყვეტებს, მათ შორისაა პროცესების ოპტიმიზაცია, ტრანსფორმაცია და რობოტიზაცია.
შპს “ბიდიო კონსალტინგი” არის საქართველოში რეგისტრირებული შეზღუდული პასუხისმგებლობის საზოგადოება, რომელიც წარმოადგენს გაერთიანებულ სამეფოში რეგისტრირებული გარანტიით შეზღუდული კომპანიის “ბიდიო ინტერნეშენალ ლიმიტედის” წევრს და შედის “ბიდიოს” დამოუკიდებელი ფირმების საერთაშორისო ქსელის შემადგენლობაში.
ბიდიო დიჯიტალი არის ბიდიოს ბრენდი, რომლიც აერთიანებს ბიდიოს ციფრული ტრანსფორმაციის სერვისებს საქართველოში.
