აღრიცხეთ კომპანიაში მიმდინარე ყველა სასაწყობე ოპერაცია და მიიღეთ ზუსტი ინფორმაცია კომპანიაში არსებულ მარაგებზე
პროგრამაში იქმნება იმ მარაგების ჩამონათვალი, რომელთანაც კომპანია ყოველდღიურობაში მუშობს. ბაზის არსებობა, უზრუნველყოფს აღრიცხვიანობის სტანდარტიზებას და შედეგად, გამოირიცხება პოზიციების დუბლირება. ყოველდღიური ოპერაციების გატარებისას, მათ შორის rs.ge პორტალიდან ზედნადებების ჩამოტვირთვისას, არსებული კატალოგიდან მარაგის არჩევის შედეგია ნაკლები შეცდომა და მუდმივი ზუსტი ინფორმაცია მიმდინარე ნაშთებზე. მარაგების დაჯგუფება სხვადასხვა პარამეტრის მიხედვით (ზომის ერთეულები, საფასო ჯგუფები, სააღრიცხვო პარამეტრები) კი გვეხმარება ჩვენთვის სასურველ ჭრილში გავაანალიზოთ კომპანიაში არსებული მარაგები.
SAP-ში შეგიძლიათ შექმნათ სხვადასხვა ტიპის ფიზიკური და ვირტუალური საწყობები (ძირითადი, პროექტის, ჩამოწერის, გაცემის, სატრანსპორტო და სხვ). შესაძლებელია ერთმა საწყობმა მეორესგან მოითხოვოს მარაგის გაცემა, მესაწყობემ გაანალიზოს არსებული ნაშთები და მხოლოდ ამის შემდგე დააფიქსიროს შიდა გადაადგილება, რომელსაც მიებმება შესაბამისი ზედნადები. გარდა ამისა, ზუსტი სააღრიცხვო ნაშთების არსებობა ამარტივებს საწყობის ინვენტარიზაციის პროცესს. პროგრამაში ასევე ისახება ინვენტარიზაციის შედეგად გამოვლენილი ზედმეტობა/ დანაკლისის დაფიქსირებისათვის საჭირო ოპერაციები, საგადასახადო რეგულაციების გათვალისწინებით მარაგებთან დაკავშირებული ყოველდღიური ოპერაციების რეალურ დროში აღრიცხვის შედეგად მუდმივად გვაქვს ზუსტი ინფორმაცია თითოეულ საწყობში ნაშთების მდგომარეობაზე.
მარაგებთან დაკავშირებული ანგარიშგებების მეშვეობით შეგვიძლია დავაიდენტიფიციროთ ყველაზე სწრაფად და ნელა ბრუნვადი საქონელი, ვაკონტროლოთ პროდუქციის ვარგისიანობის ვადები, მივიღოთ სრული ინფორმაცია საწყობებში არსებულ ღირებულებებსა და რაოდენობრივ ნაშთებზე. ასევე, გავშიფროთ მარაგების ნაშთები და პერიოდის განმავლობაში ბრუნვა თითოეული ბუღალტრული ანგარიშის, პროექტის და მარაგის ჯგუფის ჭრილში. ამასთან, პროდუქციის თვითღირეულების სიმულაციის მეშვეობით, გავაანალიზოთ, თუ რა შედეგს მიიღებდა კომპანია, მარაგების განსხვავებული მეთოდით (FIFO, საშუალო) აღრიცხვის შემთხვევაში.
შპს “ბიდიო კონსალტინგი” არის საქართველოში რეგისტრირებული შეზღუდული პასუხისმგებლობის საზოგადოება, რომელიც წარმოადგენს გაერთიანებულ სამეფოში რეგისტრირებული გარანტიით შეზღუდული კომპანიის “ბიდიო ინტერნეშენალ ლიმიტედის” წევრს და შედის “ბიდიოს” დამოუკიდებელი ფირმების საერთაშორისო ქსელის შემადგენლობაში.
ბიდიო დიჯიტალი არის ბიდიოს ბრენდი, რომლიც აერთიანებს ბიდიოს ციფრული ტრანსფორმაციის სერვისებს საქართველოში.
