აღრიცხეთ შესყიდვების სრული პროცესი დაინიცირებიდან საქონლის მიღებამდე და მიიღეთ შესყიდვების ოპტიმალური დონე კომპანიაში
SAP Business One-ში შეგვიძლია შესყიდვების როგორც მარტივი, ისე რთული პროცესის შეუფერხებელი წარმოება. შესაძლებელია, თანამშრომელმა დააფიქსიროს შესყიდვის მოთხოვნა, მოთხოვნამ გაიაროს რამდენიმედონიანი ავტორიზაცია და მხოლოდ ამის შემდეგ შესრულდეს. დადასტურების შემდეგ, შესაძლებელია დავაფიქსიროთ მომწოდებლებისგან მიღებული წინადადებები და წინასწარ დადგენილი კრიტერიუმების გათვალისწინებით, პროგრამის დახმარებით, ავარჩიოთ ყველაზე ხელსაყრელი. ასევე შესაძლებელია მომწოდებელს პროგრამიდანვე გავუგზავნოთ შეკვეთა ელ-ფოსტაზე და საბოლოოდ მივიღოთ სასურველი პროდუქცია.
Rs.ge-ს ვებ გვერდთან სრულყოფილი ინტეგრაციის მეშვეობით, პროგრამაში მარტივად მოხდება მომწოდებლებისგან მიღებული ზედნადებების ჯგუფური ჩამოტვირთვა და მათ საფუძველზე შესყიდვების გაფორმება. პროგრამა ასევე დაგეხმარებათ გააკონტროლოთ მომწოდებლების მიერ ზედნადებებში ან ფაქტურებში შეტანილი ცვლილებები, რაც უზრუნველყოფს თქვენი აღრიცხვიანობის საგადასახადო პორტალთან სრულ შესაბამისობას.
SAP-ში შესაძლებელია დავაფიქსიროთ მომწოდებელთან შეთანხმებული გადახდის პირობები, რომელიც შესაძლოა უნიკალური იყოს, როგორც თითოეული მომწოდებლისთვის, ისევე კონკრეტული მომწოდებლისგან ყოველი ცალკეული შესყიდვისთვის. თუ ერთ კომპანიასთან გვაქვს რამდენიმე პარალელური ხელშეკრულება, შეგვიძლია გავმიჯნოთ ისინი ერთმანეთისგან და ანგარიშსწორება ყოველი კონკრეტული შეთანხმების ჭრილში ვაწარმოოთ. შედეგად, მუდმივად გვაქვს სრული ინფორმაცია კომპანიის მიმდინარე დავალიანებებზე. შეხსენებების სისტემა კი გვეხმარება დროულად და ზუსტად ვაწარმოოთ ანგარიშსწორება და მოვიპოვოთ სანდო პარტნიორის სტატუსი.
SAP Business One-ის მრავალფეროვანი რეპორტინგი საშუალებას გვაძლევს გავაანალიზოთ შესყიდვები სხვადასხვა ჭრილში:
შპს “ბიდიო კონსალტინგი” არის საქართველოში რეგისტრირებული შეზღუდული პასუხისმგებლობის საზოგადოება, რომელიც წარმოადგენს გაერთიანებულ სამეფოში რეგისტრირებული გარანტიით შეზღუდული კომპანიის “ბიდიო ინტერნეშენალ ლიმიტედის” წევრს და შედის “ბიდიოს” დამოუკიდებელი ფირმების საერთაშორისო ქსელის შემადგენლობაში.
ბიდიო დიჯიტალი არის ბიდიოს ბრენდი, რომლიც აერთიანებს ბიდიოს ციფრული ტრანსფორმაციის სერვისებს საქართველოში.
