მონაცემთა საცავი (DWH)

ერთიანი მონაცემთა საცავი- Data Warehouse წარმოადგენს მონაცემთა მართვის სისტემის საკვანძო ნაწილს. Data Warehouse აერთიანებს სხვადასხვა წყაროებში შეგროვებული მონაცემების იმ სიმრავლეს, რაც საჭიროა შემდგომი ანალიტიკური ამოცანების გადასაჭრელად. საცავში შესაძლოა გაერთიანდეს მონაცემები, როგორც კომპანიის შიდა სააღრიცხვო სოფტებიდან, ისევე გარე სტატისტიკური თუ ანალიტიკური წყაროებიდან.

საცავში ჩაწერამდე ხდება მონაცემთა იმგვარი ტრანსფორმაცია, რომ შესაძლებელია მათი გამოყენება მათემატიკური მანიპულაციებისთვის და სხვადასხვა ანალიტიკური დამუშავებისთვის; როგორც უშუალოდ ბაზაში, ასევე სხვადასხვა ანალიტიკური Business Intelligence ინსტრუმენტების მეშვეობით.

მონაცემთა საცავები კონკრეტული პროგრამული უზრუნველყოფებისგან განსხვავებით:

• იძლევა ისტორიული ანალიზის შესაძლებლობას – ორგანიზაციაში არსებული ყველა ისტორიული მონაცემი მოთავსებულია ერთ საერთო საცავში, რაც ერთ წყაროსთან ურთიერთობის შედეგად მთლიანი ისტორიის ანალიზის კეთებას შესაძლებელს ხდის.
• ზრდის მასშტაბირებას – მონაცემთა საცავის არქიტექტურა და შესაბამისი ინფრასტრუქტურა საშუალებას იძლევა შეინახოთ დიდი პერიოდის და მოცულობის მონაცემები სასერვერო ინფრასტრუქტურის მინიმალური რესურსის გამოყენებით.
• ზრდის მონაცემთა შესაბამისობას და ხარისხს – საერთო საცავში მონაცემების მოთავსებასთან ერთად ხდება მონაცემების ტრანსფორმაცია და დამუშავება, რაც ზრდის მონაცემების ურთიერთშესაბამისობას და ხარისხს.