შესყიდვების სრული ციკლის ავტომატიზაცია, შეკვეთის ოპტიმალური მოცულობის გაანგარიშებიდან, საწყობში/მაღაზიაში მის მიღებამდე. 1C ERP–ში მხარდაჭერილია მომარაგების ნებისმიერი სქემა, ეს იქნება ცენტრალიზებული, დეცენტრალიებული თუ შერეული.
1C ERP ავტომატურად აგენერირებს ოპტიმალურ შეკვეთებს როგორც უშუალოდ მომწოდებლისთვის, ასევე მომმარაგებელი (ცენტრალური) საწყობისთვის.
შეკვეთის ავტომატური დაანგარიშების ინსტრუმენტის საშუალებით, შეკვეთის მოცულობა გაანგარიშდება მსოფლიოში მიღებული, გამოცდილი მეთოდების მიხედვით, რაც უზრუნველყოფს შენახვისა და შესყიდვის დანახარჯების მინიმიზაციას.
სისტემაში წინასწარ გაწერილი დადასტურების პროცესის გავლის შემდეგ, პროგრამა შეკვეთებს ავტომატურად აგზავნის მომწოდებელთან ელექტრონული ფოსტის მეშვეობით.
საქონლის მიღებისთვის განკუთვნილი სპეციალური სამუშაო სივრცე უზრუნველყოფს საქონლის მიღებაზე დახარჯული დროისა და შეცდომების დაშვების მინიმიზაციას. აქ ერთ ფანჯარაში თავმოყრილია მომხმარებლისათვის ყველა საჭირო ინფორმაცია, მომხმარებელი მარტივად ხედავს განსხვავებას შეკვეთილ და რეალურად მიღებულ საქონელს შორის. აქვე კონტროლდება შეთანხმებული ფასისა და ფაქტიურად მიღებული რაოდენობების შესაბამისობა RS.ge-ზე დაფიქსირებულ ზედნადებთან. აქედან გამომდინარე, პრაქტიკულად გამორიცხავთ ისეთი პროდუქციის მიღებას, რომელიც ან არ შეგიკვეთავთ, ან არ შეესაბამება ზედნადებში არსებულ ინფორმაციას.
1C ERP -ში დეტალურად ფიქსირდება მომწოდებლის მიერ გაწერილი ნებისმიერი მარკეტინგული აქტივობა, ეს იქნება ერთჯერადი ფასდაკლება, უსასყიდლო მიწოდება თუ ქეშ-ბექი. ამასთან ქეშ-ბექის დაანგარიშებას თვითონ 1C ERP უზრუნველყოფს. თითოეულ მომწოდებელთან ფიქსირდება ქეშ-ბექის მოქმედების პირობები, პროცენტი შესყიდული, რეალიზებული თუ გადახდილი თანხების მიხედვით, ასევე წინასწარ დადგენილი გეგმები, რომელთა შესრულებაც უზრუნველყოფს ქეშ-ბექის პირობების გაუმჯობესებას.
შპს “ბიდიო კონსალტინგი” არის საქართველოში რეგისტრირებული შეზღუდული პასუხისმგებლობის საზოგადოება, რომელიც წარმოადგენს გაერთიანებულ სამეფოში რეგისტრირებული გარანტიით შეზღუდული კომპანიის “ბიდიო ინტერნეშენალ ლიმიტედის” წევრს და შედის “ბიდიოს” დამოუკიდებელი ფირმების საერთაშორისო ქსელის შემადგენლობაში.
ბიდიო დიჯიტალი არის ბიდიოს ბრენდი, რომლიც აერთიანებს ბიდიოს ციფრული ტრანსფორმაციის სერვისებს საქართველოში.
