BDO Digital-მა ინფორმაციული უსაფრთხოების მართვის სისტემის აუდიტის უფლება და ავტორიზაციის სერტიფიკატი მიიღო, რომელიც, 3 წლის ვადით, ციფრული მმართველობის სააგენტომ გასცა.
ორგანიზაციებში ინფორმაციული უსაფრთხოების მართვის სისტემის აუდიტის ჩატარების უფლება მიენიჭა BDO Digital-ის კიბერ და ინფორმაციული უსაფრთხოების განყოფილების ხელმძღვანელს – ანზორ მეხრიშვილს, რომელსაც გავლილი აქვს სათანადო ავტორიზაცია მონაცემთა გაცვლის სააგენტოში.
აღნიშნული აუდიტით ფასდება ორგანიზაციის ინფორმაციული უსაფრთხოების შიდასამსახურეობრივი გამოყენების წესების შესაბამისობა უსაფრთხოების მინიმალური სტანდარტებთან. ამის საფუძველზე მზადდება დასკვნა, რომლის შესრულება სავალდებულოა.
აუდიტის ჩატარების შემდგომ, ინფორმაციული უსაფრთხოების მართვის სისტემაში ცვლილებების და სამოქმედო გეგმის განახლების შესახებ მიიღება კანონთან შესაბამისი გადაწყვეტილებები. იმ შემთხვევაშიც კი, თუ აუდიტის ჩატარების შედეგად გამოვლინდა ინფორმაციული უსაფრთხოების პოლიტიკის მოთხოვნებთან შეუსაბამობა, ჩვენი გუნდი გამოიკვლევს შეუსაბამობის მიზეზებს და საჭიროების შემთხვევაში, განსაზღვრავს და განახორციელებს სათანადო გამოსასწორებელ ღონისძიებებს.
შპს “ბიდიო კონსალტინგი” არის საქართველოში რეგისტრირებული შეზღუდული პასუხისმგებლობის საზოგადოება, რომელიც წარმოადგენს გაერთიანებულ სამეფოში რეგისტრირებული გარანტიით შეზღუდული კომპანიის “ბიდიო ინტერნეშენალ ლიმიტედის” წევრს და შედის “ბიდიოს” დამოუკიდებელი ფირმების საერთაშორისო ქსელის შემადგენლობაში.
ბიდიო დიჯიტალი არის ბიდიოს ბრენდი, რომლიც აერთიანებს ბიდიოს ციფრული ტრანსფორმაციის სერვისებს საქართველოში.
